第九集 第一百三十三回 让房间安心慢客 受讥评当面坍台（5 / 5）

。听了马山甫说出这几句说话来，刚刚枭了他的痛疮，不由得面上一红，两朵嗔霞从腮颊边直泛过来。略略的顿了一顿，也大声说道：“倪吃仔格碗把势饭，来格才是客人，呒拨啥格愿意勿愿意。倪也蛮明白来浪，耐来浪倪搭做做勿高兴哉；勿知看中仔格啥人，要想跳槽过去，实梗洛碰碰扳倪格差头。格末老实搭耐说仔，上海滩浪像耐实梗格客人，蛮多来浪，呒啥希奇。耐高兴多照应照应，勿高兴少照应照应，倪也勿见得来拉牢仔耐！客人有仔铜钿，勿怕做勿着倌人；倌人挂仔牌子，勿怕做勿着客人。耐心浪勿高兴末，随便耐去耶哼末哉！耐说上仔倪格当，倪倒问声耐：耐到底上仔倪啥格当哉？阿是倪骗仔耐格铜钿呢，还是骗仔耐格人？就算耐真格上仔倪格当末，也是耐自家情愿上当格，勿关得别人啥事。”正是：

妙粲莲花之舌，气煞瘟生；横遭白眼之讥，伤心冤桶。

不知马山甫说些什么，请看下文便知分晓。